Dear Donors,

COVID-19 Relief

At present, all the countries in the world are facing the disaster of Coronavirus (Covid 19). In Sri Lanka particularly in our mother land (North and East) people are facing difficulty.

Many people are struggling due to the Coronavirus pandemic, including families back home. The nationwide lockdown that was imposed on March 20th, 2020 left many people hungry and jobless. 

It especially took a heavy toll on people who live under the poverty line and rely on their daily earnings to put food on the table. That is why this campaign was very essential.

Please donate us to help the Peoples who affected by the Corona virus (COVID 19) disaster.

Note : click the donation button in our website to check the bank details to make the Donation.

Thank you,

அன்பான உறவுகளே!

அவசர உதவித் திட்டம் - கொரோனா (COVID 19) பேரிடர்

தற்போது உலகில் அனைத்து நாடுகளிலும் ஏற்பட்டுள்ள கொரோனா (COVID 19) பேரிடரால் இலங்கையிலும் பாரிய தாக்கத்தினை ஏற்படுத்தியுள்ளதனை யாவரும் அறிவீர்கள்.

இந்த நிலையில் அன்றாடம் கூலித் தொழில் செய்து வாழ்க்கை நடாத்துகின்ற தாயகத்தின் வடக்கு கிழக்கு பிரதேசங்களைச் சேர்ந்த எமது உறவுகளும் தங்களது தொழிலுக்கு செல்ல முடியாமல் வீட்டுக்குள்ளேயே முடங்கி இருக்க வேண்டி உள்ளதனால் அன்றாட உணவிற்கே பெரிதும் துன்பப்படுவதனை அவதானிக்கின்றோம்.

நாட்டில் தொடர்ச்சியான ஊரடங்கு சட்டம் போட்டுள்ளதனாலும் சமூக இடைபெளியினைப் பேனுதல் மற்றும் சுய தனிமைப்படுத்தல் காரணமாகவும் வெளியில் சென்று தங்களது உறவினர்களிடமிருந்தாவது உணவுப் பொருட்களைப் பெறுவதற்கும் முடியாமல் உள்ளதனைக் காண்கின்றோம்.

எனவே அன்பான உறவுகளே இந்த இக்கட்டான சூழ்நிலையில் எமது உறவுகள் உயிர் வாழ்வதற்கு மட்டும் தேவையான உணவுத் தேவையினை பூர்த்தி செய்வதற்கு தேவையான உலர் உணவுப் பொருட்களை கொள்வனவு செய்வதற்கு தங்களால் இயன்ற பண உதவியினை எமது உலக நண்பர்களின் தேவைகளுக்கான அமைப்பின் ஊடாக வழங்குவதற்கு ஆவன செய்யுமாறு மிகவும் தாழ்மையுடனும் உரிமையுடனும் கேட்டுக்கொள்கின்றோம்;.

நிதியுதவி அனுப்பவேண்டிய வங்கிக் கணக்கு விபரம் எமது இந்த இணையத்தளத்தில் உண்டென்பதனையும் தொரிவித்துக்கொள்னின்றோம்.

நன்றி!



அன்பான உறவுகளே!

உலகளாவிய ரீதியில் கொரோனா (COVID 19) பேரிடர் ஏற்பட்டுள்ளது. இந்த பேரிடரானனு எமது நாட்டையும் விட்டுவைக்கவில்லை.

எனவே அனைத்து மக்களும் சுய கட்டுப்பாட்டுடன் அரசாங்கமும் அரச சுகாதாரத் துறையும் முப்படையினரும் கூறுகின்ற அனைத்து வழிமுறைகளையும் உதாசினம் செய்யாது கடைப்பிடித்து ஆட்கொல்லி தொற்று நோயான கொரோனாவை (COVID 19) நாட்டை விட்டு விரட்டியடிப்போம்.

மேலும் மக்கள் அனைவரும் கொரோனா(COVID 19)  தொடர்பான வதந்தியான செய்திகளைப் பரப்புவதை நிறுத்திக்கொள்ள வேண்டும். அரச அங்கிகாரம் பெற்ற செய்தி நிறுவனங்கள் தெரிவிக்கின்ற உறுதிப்படுத்தப்பட்ட செய்திகளை மாத்திரமே மக்கள் நம்ப வேண்டும் எனவும் கேட்டுக் கொள்வதுடன்.

கொரோனா (COVID 19) தொற்றினால் பாதிக்கப்ட்ட மக்களின் உயிரைக் காப்பாற்றுவதற்காக தங்களது உயிரையே துச்சமாகக் கருதி சிகிச்சை அளிக்கின்ற சுகாதாரத் துறையினருக்கும் அவர்களுக்கு உறுதுணையாகச் செயற்படுகின்ற முப்படையினர் மற்றும் தொண்டு நிறுவன ஊழியர்கள், ஊடகத் துறையினர் அனைவருக்கும் நாட்டு மக்கள் அனைவரும் சாதி, மத, இன, கலாசார வேறுபாடுகளை மறந்து நன்றி உடையவர்களாக இருக்க வேண்டும் என இரு கரம் கூப்பி வேண்டி நிற்கின்றோம்.

பணிப்பாளர் மற்றும் நிருவாகத்தினர்
உலக நண்பர்கள் அமைப்பு
இலங்கை

இலங்கை நாட்டில் இனங்களுக்கிடையிலான ஐக்கியத்தையும் நிரந்தர சமாதானத்தையும் கட்டியெழுப்புவதற்காகவும் குறிப்பாக வடக்கு மற்றும் கிழக்கு மாகாணங்களின் சமூக பொருளாதார அபிவிருத்தியினை ஏற்படுத்துவதற்கும் விசேடமாக மேற்குறித்த மாகாணங்களில் வறுமைக் கோட்டின் கீழ் வாழ்கின்ற மக்களின் பொருளாதாரத்தினை மேம்படுத்துகின்ற நோக்கிலும் 3500 மில்லியன் இலங்கை ரூபா செலவில் பல வேலைத் திட்டங்களை 2020ம் ஆண்டில் செயற்படுத்துவதற்கு எமது நிறுவனம் தீர்மானித்துள்ளதால் குறித்த திட்டங்களை செயற்படுத்துவதற்காக உலகில் உள்ள நன்கொடையாளர்களிடம் இருந்து நிதியுதவியினை எதிர்பார்க்கின்றோம்.

நன்கொடைகள் வழங்குவதற்கு விரும்புவோர் கீழேயுள்ள வழிமுறைகளினூடாக நிதியினை அனுப்பலாம்.




உலக நண்பர்களின் தேவைகளுக்கான அமைப்பு (WFN) ஐக்கிய அமெரிக்காவின் புதிய சந்தர்ப்பங்கள் (NOW - WOW) என்ற தொண்டு நிறுவனத்தின் 12 மில்லியன் இலங்கை ரூபா நிதி உதவியுடன் போரினால் பாதிக்கப்பட்ட மக்களின் வாழ்வாதாரத்தினைக் கட்டியெழுப்புதல் என்ற வேலைத் திட்டத்தின் ஒரு அங்கமாக முல்லைத்தீவு மாவட்டம் புதுக்குடியிருப்பு பிரதேச செயலாளர் பிரிவில் உள்ள தேவிபுரம் என்ற இடத்தில் மாட்டுப் பண்ணை ஒன்று அமைக்கப்படுகின்றது.


முதல் கட்டமாக 40 பயனாளிகளுக்கு தொழில்வாய்ப்பினை வழங்கும் பொருட்டு தொடங்கப்பட்டுள்ள இந்த வாழ்வாதார உதவித்திட்டத்தில் பயனாளிகளாக உள்ள அனைவரும் போரினால் பாதிக்கப்பட்டுள்ளதுடன் இவர்களில் அனேகமானோர் அவயங்களை இழந்தவர்கள் என்பது குறிப்பிடத்தக்கதாகும்.











NOW - WOW



www.nowwow.org


இலங்கையின் வடக்கு கிழக்கு பகுதிகளில் வாழ்கின்ற யுத்தத்தினால் பாதிக்கப்பட்டு விதவைகளான பெண்களின் வாழ்வாதாரத்தை மேம்படுத்தும் நோக்கில் கைவினைப் பொருட்கள் உற்பத்தி பயிற்சிநெறி ஒன்று உலக நண்பர்களின் தேவைகளுக்கான அமைப்பினால் ஆரம்பிக்கப்பட்டுள்ளது.
இப்பயிற்சிநெறி தற்போது மட்டக்களப்பில் உள்ள எமது நிறுவனத்தின் காரியாலய மண்டபத்தில் நடைபெற்று வருகின்றது இந்த பயிற்சி நெறியில் ஊனமுற்றோர் பராமரிப்பு இல்லத்தில் தங்கியுள்ள ஊனமுற்ற பெண்களும் யுத்தத்தினால் கணவனை இழந்த விதவைகளும் கலந்துகொண்டு பயிற்சிபெற்று வருகின்றனர்.
இந்தப் பயிற்சிநெறியினை வடக்கு கிழக்கில் உள்ள எட்டு மாவட்டங்களிலும் நடைமுறைப்படுத்த திட்டமிட்டுள்ளோம். இதனடிப்படையில் மட்டக்களப்பு மாவட்டத்தில் உள்ள யுத்தத்தினால் அதிகம் பாதிக்கப்பட்ட கோறளைப்பற்று வடக்கு வாகரை செங்கலடி மண்முனை மேற்கு வவுணதீவு மண்முனை தென்மேற்கு பட்டிப்பளை வெல்லாவெளி மண்முனைப்பற்று ஆகிய 6 பிரதேச செயலாளர் பிரிவுகளிலும் பயிற்சிநெறி நடைமுறைப்படுத்தப்படும்.
ஏனை 7 மாவட்டங்களிலும் எந்தெந்த பிரதேச செயலாளர் பிரிவுகளில் பயிற்சிநெறி நடாத்தப்பட வேண்டி உள்ளதென இனங்காணப்பட்டு அங்கு இத்திட்டம் நடைமுறைப்படுத்தப்படும் குறிப்பாக முல்லைத்தீவு மாவட்டத்தில் உள்ள சில பிரதேச செயலாளர் பிரிவுகளில் உடனடியாக இத்திட்டம் ஆரம்பிக்கப்பட இருக்கின்றது.
இத்திட்டத்தின் மூலமாக வெறுமனே பயிற்சிநெறியினை மட்டும் வழங்காது பயிற்சிபெற்று வெளியேறும் பெண்கள் உடனடியாக உற்பத்தியில் ஈடுபடுவதற்கும் அவர்களினால் உற்பத்தி செய்யப்படும் கைவினைப் பொருட்களை உரியமுறையில் உள்நாட்டிலும் வெளிநாட்டிலும் சந்தைப்படுத்துவதற்குமான அனைத்து ஏற்பாடுகளையும் எமது நிறுவனம் மேற்கொண்டுள்ளது.
பன்புல் மற்றும் பனை ஓலை என்பவற்றினை முலப்பொருளாகக் கொண்டு எவ்வாறான கைவினைப் பொருட்களை உற்பத்தி செய்தால் சந்தைப்படுத்துவதற்கும் அதிக இலாபம் பெறுவதற்கும் வழிகோலும் என்பதற்கிணங்க ஒரு சில கைவினைப் பொருட்கள் இனங்காணப்பட்டு அந்த பொருட்களை உற்பத்தி செய்வதற்கான குறுகியகால பயிற்சியே தற்போது வழங்கப்பட இருக்கின்றன.
உலகில் எவ்வகையான கைவினைப் பொருட்களுக்காக அவ்வப்போது உருவாகும் கேள்வியினையும் அவற்றிக்கான சந்தைப்படுத்தல் வசதியையும் கருத்தில்கொண்டு தேவையான பொருட்களை உற்பத்தி செய்வதற்கான பயிற்சிகள் இனங்காணப்பட்டு அப்பயிற்சிகளை குறித்த பயிற்சியாளர்களுக்கு வழங்குவதற்கும் எமது நிறுவனம் திட்டமிட்டுள்ளது.
ஒரு பிரதேச செயலாளர் பிரிவில் இருந்து 25 பயிற்சியாளர்களுக்கு 4 வாரப்பயிற்சி வழங்குவதற்காக இலங்கை ரூபா 250,000.00 தேவையாக உள்ளது.
பயிற்சியாளர்கள் பயிற்சியினை பெற்று வெளியேறியவுடன் உடனடியாக உற்பத்தியில் ஈடுபடுவதற்கான சகல வழிவகைகளையும் எமது நிறுவனம் மேற்கொண்டுள்ளது. உற்பத்தியில் ஈடுபடும் ஒரு பெண் ஒரு நாளைக்கு குறைந்தது 500.00 ரூபா ஊதியமாகப் பெறும் வகையிலேயே குறித்த கைவினைப் பொருளுக்கான உற்பத்திக்கூலி தீர்மானிக்கப்பட்டு சந்தைப்படுத்தப்படும்.
யுத்தத்தினால் பாதிக்கப்பட்டு விதவைகளாக உள்ள வடக்கு கிழக்கு பகுதிகளில் வசிக்கின்ற எமது உறவுகளுக்கு வாழ்வாதார உதவிகளை வழங்க வேண்டும் என நினைக்கும் புலம்பெயர் உறவுகள் இந்தத் திட்டத்தினை முழுமையாக நடைமுறைப்படுத்துவதற்கு உதவி புரியலாம்.
யுத்தத்தினால் பாதிக்கப்பட்ட உறவுகளுக்கு நன்கொடைகளாக பணங்களை வழங்குவதால் எவ்வித பயனையும் அவர்கள் அடையமாட்டார்கள். மாறாக இவ்வாறான பயிற்சிகளை அவர்களுக்கு வழங்குவதால் தங்களுடைய வாழ்வாதாரத்திற்கு வேண்டிய வருமானங்களை தாங்களாகவே தேடிக்கொள்ளும் வாய்ப்பு இங்கு உருவாகின்றது.
அத்துடன் எதுவித வாழ்வாதார வழிவகைகளுமற்ற நிலையில் சமுதாய சீர்கேடுகளில் ஈடுபடும் யுத்தத்தினால் விதவைகளான இளம் பெண்களை இப்பயிற்சித் திட்டத்தில் உள்வாங்கி தொழில் வளங்குவதால் எமது சமுதாய பண்பாடுகள் சீரழிந்து போகாமல் பாதுகாக்கலாம்.
இந்தத் திட்டத்தை ஆரம்பிப்பதற்கு லோட்டஸ் குறூப் (லண்டன்) நிதி உதவி வழங்கியுள்ளது. ஆனால் பூரணமாக இத்திட்டத்தை சகல பகுதிகளிலும் செயற்படுத்துவதற்கு தேவையான நிதி உதவிகளை நன்கொடையாளர்களிடமிருந்து எதிர்பார்க்கின்றோம் குறிப்பாக புலம்பெயர்ந்து வாழ்கின்ற இலங்கைத் தமிழ் மக்களிடமிருந்து இந்தத் திட்டத்திற்காக உதவிகளை எதிர்பார்க்கின்றோம்.